خوست؛ صبریو ولسوالۍ کې ۶۰ لوبډلو ترمنځ د والیبال سیالۍ پای ته ورسېدې
د خوست ولایت د بدني روزنې او ورزش آمریت اړوند د والیبال فدراسیون د استازولي له لوري د یاد ولایت په تڼیو ولسوالۍ کې د ۶۰ لوبډلو ترمنځ د والیبال سیالۍ د عرفان دلپوري لوبډلې په اتلولي پای ته ورسېدې.
د یادو سیالیو پایلوبه د عرفان دلپوري او واحد نور شمشیخېلو لوبډلې ترمنځ ترسره شوه، چې په پایله کې یې د عرفان دلپوري لوبډلې د ۲ پر صفر میدانونو په توپیر خپلې سیالې لوبډلې ته ماتې ورکړه او اتلولي یې په خپل نوم کړه.
د یادونې وړ ده چې دغه سیالۍ د روژې مبارکې میاشت کې پیل شوې وې، خو د موسمي کارونو او پرلپسې اورښتونو له امله ځنډېدلې وې.
د سیالۍ په پای کې اتلې لوبډلې او غوره لوبغاړو ته بېلابېلې ډالۍ ورکړل شوې.
