خوست؛ په متون ښار کې د شپږو لوبډلو ترمنځ د کبډي سيالۍ پيل شوې
د خوست ولايت د بدني روزنې او ورزش امريت اړوند د کبډي فدراسيون د استازولۍ له لوري د مرکز متون ښار په مندو خېلو کلي کې د شپږو لوبډلو ترمنځ د ولس او حکومت ترمنځ د همغږي په نوم د کبډي سيالۍ، چې ۲۰ ورځې به دوام وکړي، د متون مرکز لوبډلې په بريا پيل شوې.
د يادو سياليو په لومړنۍ لوبه کې متون مرکز لوبډلې خپلې سيالې تڼيو ب لوبډلې ته د ۴۸ پر ۴۲ امتيازونو په توپير ماتې ورکړه او بريا يې په خپل نوم کړه.
د يادولو وړ ده، چې له دغو سياليو څخه به درې غوره لوبډلې بل پړاو ته لار پېدا کوي او هلته به له درېيو غوره لوبډلو سره، چې دويم پړاو ته يې لار موندلې ده سيالۍ ترسره کوي.
