خوست کې د ۳۵ ورزشکارانو ترمنځ د لومړي ځل لپاره د پاورلفټينگ سيالۍ وشوې
د خوست ولايت د بدني روزنې او ورزش آمريت په همکارۍ او د پاورلفټينگ فدراسيون د استازولۍ له لوري د صبريو يعقوبو ولسوالۍ اړوند افغان اتلانو جيم کې د ۳۵ ورزشکارانو ترمنځ د ياد ولايت په کچه د لومړي ځل لپاره د پاورلفټينگ سيالۍ وشوې.
دغه سيالۍ په بېلابېلو وزنونو کې ترسره شوې، چې په ترتيب سره نورالله، سليم، عمران الدین او عزيز لومړي مقامونه خپل کړ.
دا سيالۍ پاورلفټينگ ورزش ته د ودې ورکولو او په ليرې پرتو سيمو کې د ياد ورزش دودولو په موخه وشوې، چې يوه ورځ يې دوام وکړ.
