د پهلوانۍ ملي لوبډلې د پهلوانۍ بین المللي سیالیو کې درېیم مقام وګاټه
د افغانستان د پهلوانۍ ملي فدراسیون ١٤ کسیزې ملي لوبډلې د پهلوانۍ د ګرېګورمن سبک په تختي جام بین المللي سیالیو کې درېیم مقام وګاټه.
په دغو سیالیو کې کوربه ایران په ٢٥٠ نمرو سره لومړی مقام، ترکیې له ٢٨ نمرو سره دویم مقام او افغانستان له ١٢ نمرو سره د درېیم مقام ګټونکی شو.
دغه سیالۍ د ایران په کوربتوب د دغه هېواد په شېراز ښار کې د روانې غبرګولې میاشتې پر ٢٢مه نېټه د افغانستان په ګډون د اووه هېوادونو تر منځ پیل شوې وې او نن (شنبه د غبرګولې ٢٤مه) پای ته ورسېدې.
