لغمان کې د ۳۶ تنو ورزشکارانو ترمنځ د کونگ فو ټاکنيزې سيالۍ ترسره شوې
د لغمان ولايت د بدني روزنې او ورزش امريت اړوند د کونگ فو فدراسيون د استازولۍ له لوري د ياد امريت په ۵۰۰ کسيز جمنازيوم کې د ۳۶ تنو ورزشکارانو ترمنځ د لغمان کونگ فو منتخبې لوبډلې ته د غوره لوبغاړو ټاکلو په موخه د کونگ فو ټاکنيزې سيالۍ ترسره شوې.
دغه سیالۍ چې د تنکيو ځوانانو، نويو ځوانانو، ځوانانو او مشرانو ورزشکارانو په عمري کټگوريو کې ترسره شوې، په پايله کې ۱۵ تنه غوره ورزشکاران ياد ولايت منتخبې لوبډلې ته وټاکل شول.
