میدان ودرګ پوهنتون؛ د پوهنځیو ترمنځ د ټېپ بال کرکټ سیالۍ پای ته ورسېدې
د میدان وردګ ولایت د بدني روزنې او سپورټ امریت له لوري په وردګ پوهنتون کې د بېلابېلو پوهنځیو د محصلینو ترمنځ د ټېپ بال کرکټ سیالۍ، چې یوه اوونۍ وړاندې پیل شوې وې د کمپیوټر ساینس پوهنځي په اتلولۍ پای ته ورسېدې.
د دې سیالیو په پایلوبه کې کمپیوټر سیاینس لوبډلې د بچې په ګټلو سره لومړی توپوهنه وکړه او سیالې لوبډلې ته په ټاکلو ۱۰ اوورنو کې ۹۸ منډې هدف کېښود؛ خو د کرنې پوهنځي لوبډلې یاد هدف پوره نه کړ او لوبه يې خپلې سیالې کمپيوټر سیاینس لوبډلې ته وبایلله.
یاده دې وي، چې د سپورټ کمېټې له لوري د یادو سیالیو غوره لوبډلو او ورزشکارانو ته کپونه او مډالونه هم ورکړل شول.
