ننګرهار؛ په ښېوې ولسوالۍ کې د کم عمره ځوانانو د ٢٤ لوبډلو ترمنځ د واليبال سيالۍ پيل شوې
د ننګرهار ولايت د ورزش ریاست له لوري د ښېوې ولسوالۍ په دربخېلو سيمه کې د کم عمره ځوانانو د تشويق په موخه د ٢٤ لوبډلو ترمنځ د واليبال سيالۍ پيل شوې.
د دغو سياليو د پيل لوبه د عثمان خېلو او شګي ځوانانو لوبډلو ترمنځ وشوه، چې عثمان خېلو لوبډلې د ٢-١ ميدانونو په ګټلو سره خپل سيال ته ماتې ورکړه.
ټاکل شوې د دغو سياليو پر دوام به نن جمعه دوې لوبې وشي لومړۍ لوبه به د دربخېلو او اسماعيل لوبډلو او دويمه لوبه کې به د ياسين بابا ښوونځي او ښېوې لوبډلې سره مخ شي.
