هلمند؛ مرکز لښکرګاه ښار کې د شل لوبډلو ترمنځ د فوټسال سیالۍ پیل شوې
د هلمند ولایت د بدني روزنې او ورزش آمریت اړوند د فوټبال فدراسیون د استازولۍ له لوري د یاد ولایت مرکز لښکرګاه ښار کې د ۲۰ لوبډلو ترمنځ د فوټسال سیالۍ پیل شوې.
د یادو سیالیو په لومړۍ لوبه کې برومند لوبډلې د ۳ پر یو میدان په توپیر خپلې سیالې میرویس نیکه لوبډلې ته ماتې ورکړه او د سیالیو لومړۍ بریا یې خپله کړه.
دا سیالۍ ورزش ته د ځوانانو د هڅولو په موخه پیل شوي دي، چې یوه میاشت به دوام وکړي.
