هلمند؛ ګرشک لوبډلې د فوټبال اول پړاو ګروپي سياليو اتلولي وګټله
د فوټبال اول پړاو ګروپي سيالۍ چې دوې اوونۍ وړاندې د هلمند فوټبال فدراسیون له لوري د دې ولایت د شپږو ولسواليو لوبډلو ترمنځ د مرکز لښکرګاه ښار په مرکزي لوبغالي کې پيل شوې وې د ګرشک لوبډلې په اتلولي پاى ته ورسېدې.
د دغو سياليو پايلوبې ته د ګرشک او نادعلي لوبډلو لارپیداکړه چې د دې دواړو لوبډلو لوبه ١-١ مساوي شوه، خو په پينالتي ضربو کې د ګرشک لوبډلې نادعلي لوبډلې ته ٣-٢ ګولونو په توپیر ماتې ورکړه.
عزت الله د غوره لوبغاړي فريد احمد د زياتو ګولونو وهونکي او مسعود احمد د غوره ګول ساتونکي په توګه غوره شول.
په پاى کې غوره لوبډلو او لوبغاړو ته جايزې ورکړل شوې.
