په پکتیا کې د رزمي ورزشونو رینګ ګټې اخیستنې ته وسپارل شو
د پکتيا ولايت د بدني روزنې او سپورټ رياست له لوري د ۳۲۸۰۰۰ افغانیو په ارزښت د رزمي ورزشونو رينګ ګټې اخېستنې ته وسپارل شو.
په همدې موخه په جوړو شوو مراسمو کې د پکتيا ولایت د بدني روزنې او سپورټ رئيس قاري نورالرحمن "تسکين" اداري کارکوونکو، د بېلابېلو ورزشي رشتو مسؤلينو او ورزشکارانو ګډون کړی و.
دغه رینګ په داسې حال کې جوړ او ګټې اخیستنې ته وسپارل شو، چې تر دې وړاندې د یاد ولایت ورزشکاران له یو لړ ستونزو سره لاس او ګریوان وو او تمه ده چې د دغه رېنګ په رامنځته کېدو سره به یې ستونزې حل شي.
د همدې مراسمو په اوږدو کې د مختلفو ورزشي رشتو ورزشکارانو له لوري ورزشي نندارې هم ترسره شوې.
