کندز؛ په امام صاحب ولسوالۍ کې د ۱۳ لوبډلو ترمنځ د فوټبال غوره ليګ سيالۍ پيل شوې
د کندز ولايت د بدني روزنې او ورزش رياست او فوټبال فدراسيون په همغږۍ د امام صاحب ولسوالۍ د ورزشي کمېټې له لوري په دغه ولسوالۍ کې د ۱۳ لوبډلو ترمنځ د فوټبال غوره ليګ سيالۍ پيل شوې.
دغه سيالۍ چې دوې اوونۍ به دوام وکړي، د پيل په لوبه کې ثنايي لوبډلې خپلې سيالې شيران خراسان لوبډلې ته د ۲_۱ ګولونو په توپير ماتې ورکړه او لومړۍ بريا يې خپله کړه.
د دغې سياليو د پيل په مراسمو کې د کندز ولايت د بدني روزنې او ورزش رييس قاري عزت الله سنان، ورزشي او غير وزشي مسوولينو، ورزشکارانو، ځوانان، مخورو، ځايي رسنيو او د ورزش مينوالو ګډون کړی و.
