کندوز؛ په قلعه ذال ولسوالۍ کې د ۷۵ چاپندازانو ترمنځ د وزلوبې سیالۍ ترسره شوې
د کندوز ولایت د بدني روزنې او ورزش ریاست اړوند د وزلوبې، نېزه وهنې او سيمه ييزو لوبو ملي فدراسیون د استازولۍ له لوري د ياد ولايت په قلعه ذال ولسوالۍ کې د ۷۵ چاپندازانو ترمنځ د وزلوبې سيالۍ ترسره شوې.
د دغو سياليو په پايله کې د ميدان د حکم له لوري دوه اخراولاقه اعلان شول، چې لومړی اخراولاق عبدالله پهلوان او دويم اخراولاق عبدالحکیم اندرابي پهلوان تر حلال دايرې ورسول او دسياليو ګټونکي شول.
د يادو سياليو موخه راتلونکو لوبو ته د چاپندازانو لاښه چمتووالی او د يادې ولسوالۍ وګړو ته د تفريح برابرول و، چې يوه ورځ يې دوام وکړ.
