نن د کابل تکواندو د منتخبه سیالیو لسم پړاو ترسره شو.
په دغو سیالیو کې د کابل ښار له ۳۰ کلبونو څه باندې ۱۰۰ تنه ورزشکاران د تنکي ځوانانو د عمر په کتګورۍ کې برخه اخلي.
د تکواندو فدراسیون مسوولین وايي، دغه سیالۍ چې څلور ورځې به دوام وکړي، په لسو وزنونو کې د ورزشکارانو د مهارتونو د لوړولو او د کابل لوبډلې ته د غوره څېرو د ټاکلو په هدف ترسره شوې.
د المپيک ملي کمېټې او ورزش رییس انجنير نظرمحمد مطمین د دغو سياليو په پرانيستونکو مراسمو کې ګډون وکړ او د تکواندو فدراسيون له مسوولينو څخه يې د دې سياليو د پيلولو له امله مننه وکړه او زياته يې کړه: تکواندو په هېواد کې يو له هغو لوبو څخه ده چې ډېر وياړونه لري د بدني وزنې او ورزش عمومي ریاست به د تکواندو ورزشکارانو ته د موجودو اسانتیاوې برابرولو زمینه برابره کړي.
ښاغلي مطمین ورزشکارانو ته په اشارې سره وویل چې تاسو د هېواد راتلونکی یاست او زیاته یې کړه: ورزش یوازې د خپل ځان د دفاع لپاره مه کوئ، بلکې د روغتیا او عزت لپاره هم ورزش وکړئ، تاسو زمونږ د سولې، ارامۍ، سوکالۍ، امنیت په نړیوالو لوبو کې زموږ د ملي یووالي سمبول یاست.
د ورزشکارانو د دغه پړاو د سیالیو له ترسره کیدو خوښي وښوده او په راتلونکي کې هم د دا ډول سیالیو د دوام غوښتونکي شول.
