د افغانستان د بدن ښکلا ملي لوبډله د جنوبي اسيا بدن ښکلا او فټنس په ۱۳ پړاو سياليو کې د ګډون په موخه مالديف ته ورسېده
د افغانســــــــتان د بدن ښکلا او فټنس ملي لوبډلې وړمه ورځ د المپيک ملي کمېټې او سپورټ عمومي رئيس له الحاج مولوي عبدالودود حقاني سره تر لیدنې وروسته د جنوبي اسيا بدن ښکلا او فټنس ديارلسم پړاو سياليو کې د ګډون او لوبېدو په موخه مالديف ته سفر وکړ.
د جنوبي اسيا دغه سيالۍ چې د مالديف هېواد په مالي ښار کې ترسره کيږي د روانې جولاى مياشتې په څلورمه نېټه پيل او د یادې میاشتې تر يوولسمې نېټې به دوام وکړي.
له افغانستان څخه په دغو سياليو کې شپږ لوبغاړي، يو حکم، يو روزونکي، يو د لوبډلې مشر او يو هم د بدني روزنې او ورزش عمومي ریاست پلاوى ګډون لري.
