تخار؛ درقد ولسوالۍ کې د اووه لوبډلو ترمنځ د والیبال سیالۍ د وحدت لوبډلې په اتلولي پای ته ورسېدې
د تخار ولایت د بدني روزنې او ورزش آمریت اړوند د والیبال فدراسیون د استازولي له لوري د یاد ولایت په درقد ولسوالۍ کې د اووه لوبډلو ترمنځ د والیبال سیالۍ، چې دوه ورځې مخکې پیل شوې وې، د وحدت لوبډلې په اتلولي پای ته ورسېدې.
د یادو سیالیو پایلوبه د وحدت او جوانان مرکز لوبډلو ترمنځ ترسره شوه، چې په پایله کې یې وحدت لوبډلې د ۳/ صفر میدانونو په توپیر خپلې سیالې لوبډلې ته ماتې ورکړه او اتلولي یې په خپل نوم کړه.
دغه سیالۍ د ۲۰۲۴ فوټسال نړۍوال جام ته د افغان فوټسال ملي لوبډلې د لار موندنې د خوښي په موخه ترسره شوې.
